పెదవుల్లో పుట్టి..
కన్నుల్లో కావ్యమైన కల
నిద్దట్లో పూలగాజులు సవరించాక
మనసెటో అల్లరిపరుగు తీసినట్టనిపించింది
ఎప్పుడొచ్చావో నా లోపలికి
ఓ కొత్త పేజీ మొదలెట్టా
జీవితం పరిచయించిన ఈ వాసన
ఎంత పాతదో..
ఎప్పుడూ పాడుకొనే సాహిత్యం కనిపెట్టేసింది
ఇన్నాళ్ళూ నాది కాని దిగుల్ని
మోసుకు తిరిగిన దేహం
దాగుడుమూతలాపి
విషాదాన్ని చెరిపేలా తిరగరాయమంటుంది
ఉన్న వ్యసనంలో వెతుక్కొనే సంతోషమే
పరధ్యానంలోనూ నేనిష్టపడే ఆవరణం
ఏమో..జీవనదిగా మారి ప్రవహించాలిప్పుడు
సముద్రమంత విశాలత్వం సరిపడుతుందో లేదో తెలియాలంటే..
No comments:
Post a Comment