// నీ కోసం 123 //

తెల్లవారుతూనే మొదలయ్యే తీపి ఆకలి
నువ్వు పంచే రసోదయానికని తెలుసా..

మనసు నాతో గొడవపడుతున్న ప్రతిసారీ
ఊహల గగనపు వీధుల్లో తిప్పుతున్నా నమ్మవా..

భ్రమరనాదాల మేలుకొలుపుతో
మనసుకింపైన కచేరీ మామూలే..

ఆకుచాటు కోయిల గొంతులో చిలిపిదనం
అనుకరిస్తున్న మన స్వరమూ నిజమే

వసంతగాలి వీస్తున్న సమయమంతా
నాకిప్పుడు కాలమాగిపోయిన విషాదం
కనుకే..
తడి కన్నులు పరచిన దారిలో పువ్వులు పలకరిస్తే
అది నీకై నిర్వచించిన నా కవితనుకో..😣💜