// నీ కోసం 111 //

మనసుకి వెచ్చగా తగిలిన కన్నీటిబొమ్మ
నీ దీర్ఘకాల వేదనకు లేపనమై
లేలేత కవితగా మారిన సంగతి తెలిసినందుకేమో..

మౌనంలో నన్నంతా లీనం చేసి
మహత్తరమైన సంప్రదింపులన్నీ మదిలో కానిచ్చేసి
కొన్ని యుగాల సావాసాన్ని ఉపమానం చేసావు..

నోటి నిండా మకరందపు తీయదనమేమో
మనసులోనికి చొచ్చుకుపోతున్న పిలుపుకి
అనుభూతి తప్ప అవథి లేదంటూ..

ఎప్పుడో దాచుకున్న పులకరింతను నిద్దురలేపి
సముద్రమంత విరహాన్ని ప్రకటిస్తూ
గంపెడు పొగడపువ్వుల జల్లు కురిపించావు

ధీర సమీరలా కిలకిలరావాల కలను కదా నేను
నీ జీవితానికి మజిలీగా మారేంత మాయ
ఏ అడవి పూల దారిలో కనుగొన్నావో మరి 😉💜