అదే నిష్క్రమణ..అదే నిశ్శబ్దం
అప్పటిదాకా నవ్వుతున్నట్టే ఉంటాను
నా పెదవులు ముడేసుకున్న విషయం ఎవ్వరికీ తెలీదు
సగమైన కన్నులు ఏం చూస్తుంటాయో
గుండెల్లో మోగుతున్న సవ్వడికి
మన మధ్య దూరం తరిగినట్టనిపిస్తుంది
నీ చేతిలో నా చెక్కిళ్ళు
గుట్టుగా ఒదిగిపోయిన సంగతి
కలో నిజమో తెలీక తడబడతాను
ముద్దుపుట్టే నీ మాటలు వింటూ
నేనూపిరి తీసిన ప్రతిసారీ
అదో ధ్యానంలో ఉన్నట్టు మురిసిపోతాను
చిగురించిన క్షణాలకు నిలకడ ప్రసాదించమని
సంకల్పించుకున్న శూన్యంలో
నీ ప్రేమ మాత్రమే ప్రతిధ్వనించాలనుకుంటాను..
No comments:
Post a Comment