నీ మనసుకి నచ్చిన నేను
మధుమాసపు మల్లెలా నవ్వుకుంటూ
ముద్దమందారపురేకుల్లా ముగ్ధమవుతూ
ఆమని బృందావనగీతం పాడుకుంటూ
పూలతావినంతా మాటలుగా నీపైనే చల్లుతున్నా
ఎన్నో ఉదయాల సుప్రభాతాలు
మరెన్నో క్షణాల సంతోషాలు
పదాల పరవళ్ళుగా మార్చి
నా ప్రాణాన్ని జతచేసి మరీ
నువ్వు చదివేందుకని అక్షరం చేస్తున్నా
నీ హృదయంలో చోటుచేసుకుని
కన్నుల్లో కలగా కమ్ముకున్నాక
నేనెక్కడున్నా ఏముందిలే
జీవితకాలపు కానుకనై ఇలా మిగిలాలనుకున్నాక 
No comments:
Post a Comment