// నీ కోసం 117 //

అర్ధరాత్రి నీ గుండెచప్పుడు
కొంగున బంగారం ముడేసుకున్నట్టు
స్వరార్చన చేసి మరీ నాలో వెలుగు నింపింది

శీతకన్నేసిన నువ్వు చలిమంటేసినట్టు
నులివెచ్చగా కమ్ముకోగానే
మంచిగంధంలా నేను పరిమళించాను

దూరాన్ని చెరిపేందుకేమో
మధుమాసపు కోయిల తొలిపాటగా
నువ్వంపిన రాయబారమూ వినిపించింది

ఓయ్ ప్రేమాన్వీ..
సుదూరం నుంచి నావైపు నువ్వొచ్చింది నిజమేనా
నన్ను కౌగిలించిన ఆకాశం నీ దేహమేనా

అణువణువూ చిరునవ్వితే ఎలా ఉన్నానో చూడు
పాలల్లో గులాబీలు కలిసినట్టున్న నన్ను
నీ ఉగాది కవిత్వంలో నాయికను చేద్దువు 💜🤩