ఆ పువ్వులు..
తొలిసారి నా చేతికందిన నీ మనసు భావాలు
కాలాన్ని ఆపి పరిమళించిన ఆ రహస్యక్షణాలు
నీకొక్కసారిగా అపురూపమైనట్టు
నాలో నేను అనంతమై..
నవ్వులతో ఆక్రమించిన ఆకాశానికి తెలుసో లేదో
కొన్ని దూరాల్ని కలిపిన వంతెన కింద
హృదయాల నడుమ ప్రవహిస్తున్న రంగులందులో ఉన్నాయని
ప్రతి వెన్నెలరాత్రీ కన్నుల్లో తురుముకొనే కల
నీలా మారిన ఋజువై
బంగారు కిరణాల వేకువై
నేనప్పుడు నీ గుండెలపై పసిపాపని
మధురోహల పరవశం కాసేపైతేనేమి
నేనున్న స్వర్గంలో మనిద్దరం కలిసున్నప్పుడు 
No comments:
Post a Comment