ఏ చుంబనపు తడి ..
రహస్యమై కలలో సువాసనగా ఎగిసిందో
కన్నుల్లో వానాకాలపు మెరుపై వెలుగుతుంది
నీతో పంచుకున్న మురిపాలు
మౌనంతోనే ముగిసిపోగా
చీకటైతే మిగిలిన సగపాలై
మనసుని కొరుకుతుంది
నిద్దురపట్టని ప్రతిరాత్రీ ఓ ఆర్తనాదమై
నిశ్శబ్దాన్ని చెరిచి
జ్ఞాపకాల మంటై దహిస్తున్న సంగతి
లోలోన ఒంటరితనపు వేదనై వినబడుతుంది
నాతో తెరమరుగైన నీలో ఆశ మిగిలున్నా
నిన్ను దాచిన బెంగ నాకో గాయమవుతుంది
నగ్నమైన కాగితం నాకందుకే లేపనమవుతుంది..!!
No comments:
Post a Comment