// నీ కోసం 125 //

వాలుచూపుల విరహ ప్రవాహంలో నేనున్నప్పుడు
భావవీచికవై నువ్విటు సంచరించేవాడివి

గుండెలపై ఆనందమాల మోసుకు తిరిగినాప్పుడంతా
కాలం కళకళలాడుతూ కదిలేది

నాలో విలీనమైన నీ వాత్సల్యమేదో
చమేలీపూల చెండై పరిమళించేది

పొద్దుతిరుగుడు పచ్చని నవ్వులా
నా పెదవి నెలవంకై విరిసేది

వదిలేసుకున్నవన్నీ జ్ఞాపకాలుగా మారాక
ప్రాణస్పందన ఆదమరుపయ్యింది

కళ్ళ ముందుకి రాలేని కల
రాతిరొచ్చి ముద్దులు పంచినట్టు
ఇప్పుడంతా గతితప్పిన పాటే పదమయ్యింది 😣😞