// నీ కోసం 104 //

నా కలల్ని చిలుకుతూ నువ్వు
వెన్నెల కాసే రాత్రులు రప్పిస్తూ
పున్నమి కోసం ప్రేమలేఖలు రాయమంటూ మారం చేస్తావు

మనోలోకమో విస్తరించిన పూలబావిగా మారాక
ఏకాంతం పొదరిల్లుగా ఊసులాడేందుకు రమ్మంటే
హాయి బరువు మోస్తున్న పెదవికి వణుకయ్యింది

క్షణాలు కదిలి నిముషాలుగా కరిగి
మనసు అలసిపోయిన ఉద్వేగం
అలల తాకిడితో ఉప్పొంగే సముద్రపు ఉత్తేజానికి సమానమయ్యి
ముద్దుకే ముద్దొచ్చే ముచ్చట కోరింది

కాలమాగి చూసే వేళయ్యింది
వలపు సితారను శృతిచేసి
తనువుకంటిన రాగమధూళిని పరిమళిద్దాం రా 💜