కన్నులు మూసి మనసు తెరిచిన ప్రతిసారీ నువ్వే.
అసలు మూసి ఉన్న తలపుని తెరిచి లోనికెలా వచ్చావ్ ?!
చెక్కిలి మీద ఈ అత్తరు తడి వెన్నెల ఊహలా ఉందే,
అసలు నాకు తెలీకుండా ముద్దెప్పుడు పెట్టావ్ ?!
కారుమేఘపు నీలి వాసనేస్తూ... పసిపాపను హత్తుకున్నట్టు,
చల్లని ఈ అనురాగం నీ నేపధ్యమా ?!
సద్దు చేయని నీ స్వరం.. కనురెప్పలకు నేర్పిన రాగమాలిక,
ప్రతి సంధ్యకో పాట పాడుతుంది తెలుసా ?!
దారి తప్పిన మలుపులో ఎలా కలిసావో, లయగా కుదిరిన పరిచయం,
తీపి జ్ఞాపకమై మిగిలిపోలేదా ?!
ప్రేమాన్వీ...
అలౌకిక తీరాల మధ్య ఈ వేసవి సాయింత్రం,
కన్నీటి అవధులు దాటి చిరునవ్వుగా వెలుగుతుంది చూడు
No comments:
Post a Comment