నీ చూపుల్లోని నిర్వికార వెచ్చదనం
నన్నంతా కౌగిలించి
సుదీర్ఘ కలత నిద్దురను జోకొట్టేలోపు
లేలేత తమకం తొణికి
మధువొలికే రాతిరి అపురూపాల్ని
నీ తీపిమాటలుగా కొంగుముడేసుకుంటుంది
రాగదీపాలు కొలువైన దారిలో
పెదవి దాటని పాటలకర్ధం
వెన్నెల్లో తడిపొడి లాలసను దాచుకుందని
నీకూ నాకూ మధ్య వంతెనేసుకున్న
నిశ్శబ్దం పరిమళించి
మసక చీకటిలో మల్లెలు నవ్వినట్టవుతుంది
నీ గుండెలకున్న చెమ్మదనం
నా చెంపను తాకిన ఆర్ద్రతయితే
Your feelings r obviously cozy for me..
No comments:
Post a Comment