Turn off for: Telugu
"కన్నీటిని ఆరనివ్వని రసగంధంలా
గుండెని అంటిపెట్టుకున్న స్మృతుల తోడు
బహురూపాలుగా తృపినందుకోగలదీ ప్రాణం"
ఈ మాటన్నందుకేనా..
ఎందుకు నన్నేమీ అడగవు
ప్రవాహంగా కదులుతున్న నీటికి
నిశ్చలం తెలియనట్టు
కోపమూ అలకా కానీ ఈ నిశ్శబ్దానికి
పేరూ తీరూ ఏముందసలు
నా మౌనపు క్షణాలన్నీ మునివేళ్ళను వదిలి
అలిగి కూర్చున్నాక
ముభావమైన భావాలన్నీ
అవ్యక్తాన్ని మోస్తున్నట్టు పడుతున్న అవస్థ
నీకు తెలీసే వీల్లేదు
ఇప్పుడొచ్చి కొత్తఋతువు తనను ప్రకటించుకున్నా
ఈ విషాదాన్ని భగ్నం చేయలేదు
నాలోని మధురిమనంతా తాగేసి
ఊహల ఉప్పుసంద్రం దగ్గర నిలబెట్టిన
నువ్వు రావలసిందే
No comments:
Post a Comment