శూన్య రహస్యంలో దొరికిన రసధుని నువ్వు
ఊహలోనైనా ఒక్కక్షణం దూరం కాని
నాలోని సాహిత్యానికి స్వాలంబనవి
హృదయానికి సంచలనమొస్తే
మధురాతి మధురమైన సంగీతమైనట్టు
మూసిన కన్నుల మాటు మోహగీతానివి
అభిసారిక ప్రణయాంజలినందుకొని
అసురసంధ్యలో స్వరజతులకు తాళమేసే
కిన్నెర వీణా తంత్రుల మంత్రానివి
పరోక్షంగా పదికాలాల నుండీ
మధురోహల్లో నిలిచి
నా మనస్సవ్వడి ఆలకించిన మనోధరునివి
కనుకే...
మత్తు కమ్మిన రాతిరి
గోరువెచ్చని కలలు విత్తి
ఉదయానికి పెదవుల్లో పూసే చిరునవ్వువి 
No comments:
Post a Comment