// నీ కోసం 200 //

నీ కన్నుల్లో ఆదమరచిన స్వప్నం నీ నవ్వుల్లో విప్పపూల మైకం నీ ఊహంటేనే వివశించిపోయే దేహం అందుకే.. నీ నిరీక్షణలో క్షణమో యుగమైనా నా హృదయంలో నువ్వుంటే చాలనుకున్నా నన్ను తడిపేందుకు నువ్వు మేఘమవ్వడం నీ కదలికల్లో నేనీదులాడటం నా మనసంతా నువ్వే భావమై నీ ఊహాలోకానికి నేనో కాంతినై రోజుకో కొత్త ఆరంభం ఓయ్ వసంతుడా.. ఓసారలా నిజమవ్వవా చిగురులు తొడుగుతున్న తీగలన్నీ ఒణికేలా మొగ్గలు పువ్వులై విరిసేలా ప్రకృతికి కొత్త పండుగను పరిచయం చేస్తాను పరిమళిస్తున్న తడి గంధం మన ప్రేమేనని చెప్తాను 💜💕