// నీ కోసం 198 //

నిశిరాత్రి వెన్నెలదీపం వెలుగుతుందని ఎదురుచూస్తున్న నన్ను వర్షమొచ్చి వెక్కిరించింది ఈ రాత్రైనా నిద్రపడుతుందనుకున్న ఆశలపై నిర్దయగా నీళ్ళు చల్లింది నెలరాజు రాడని ముడుచుకున్న కోనేట్లో కలువలు నా విషాదాన్ని చూసి తోడు దొరికానని ఉపశమనం పొందాయి పసిపాప మోమొక్కటే లాలింపు దొరికిన సంతృప్తిన మెరుస్తుంది నువ్వేమో.. శూన్యంలో తేలేందుకని..మౌనాన్ని పెనవేసుకొని ఏకాంతపు ఉద్యానవనమంతా తిరిగి కొత్త ఊపిరి తొడుక్కుని మురిసిపోతుంటావు నేనేమో ప్రేమించమంటూ తొంగిచూసే నీ తలపుని మురిపెంగా మెడ చుట్టూ ఒత్తుకుంటాను మెత్తని నవ్వుని నెమరేస్తున్న దృశ్యం కనువిందయ్యాక అదేమో.. వనమాలివై నువ్వు పంపిన ఆర్తి సందేశాన్నూహించి పులకించేస్తాను 💜💕