// నీ కోసం 195 //

మగతని వరిస్తూ కమనీయాన్ని రచిస్తూ ప్రేమాంతరంగమంటే నీదే అనుభూతులను పెనవేసుకొనే కాలాతీత కలలుంటాయి విషాదాన్ని విరిచేందుకు తలచే ప్రతి వాంఛలో ఆనందపు పన్నీరు కురిసేందుకు సిద్ధంగా ఉంటుంది గుర్తులేని గతజన్మని ఆరాతీసే బదులు నిదురించిన మధురిమని కదిపి చూడొకసారి శ్రావణపౌర్ణిమ పగలు వగలై కురిసే వర్షం రేయంతా వెన్నెల మరకలను స్రవిస్తుంది నిజం ప్రేమాన్వీ గుప్పిళ్ళు తెరిచే ఉంచు నిదురంటని రాత్రి నీలో విశ్వాన్ని గుర్తించు తీయదనం మరుగుతున్న సవ్వడైతే నా అడుగుల మువ్వల్ని అనుసరించు నీ పరితపన అంతమయ్యేలా మరుని వలపు మంత్రాక్షరిని విరచించు 💕💜