// నీ కోసం 190 //

ద్రాక్షరసం తాగి తూలుతున్న దేహమొకటి మనసుమెట్లపై గమ్మత్తుగా ఆగిన సాయింత్రం కనురెప్పల మైదానంలో కల్యాణిరాగపు కలకలం మొదలై మబ్బుపట్టిన మైకం మోహపు సంకెళ్ళను తొడుక్కుంది మూగబోయిన ఆకాశం ఒక్కసారిగా కవిత్వమై కురుస్తూ దాచుకున్న గిలిగింతలు.. ఉన్నట్టుండి ఉధృతమైన గాలిపాటల కబుర్లు.. గుట్టుగా గుండెను అల్లుకున్న మల్లెతీగల రహస్యాలూ.. ఆగి ఆగి పడుతున్న వానలో తడిచిన గతజీవితపు పుటల వాసన.. వర్తమానపు నవ్వుల సుమాలై విరిసి కాసేపా వెచ్చని మగతలో కరగమంటుంది ప్రేమాన్వీ.. అరచేతిలో చూసుకోగానే.. సముద్రపు అలల్లో మనం కలిసాడుకున్న కల నుదుటిపై నువ్వు అద్దిన పెదవుల జల ఎంత అందమైన సందెపొద్దు ఇది..😂💕