// నీ కోసం 194 //

కాలం కలిసొచ్చి కన్నీటికర్ధం తెలిసొచ్చినప్పుడు సంఘర్షణలోని ఆంతర్యం తెలుస్తుంది అంతర్లోకంలోనూ ఒంటరై జీవితం సాయం చేయనప్పుడు వెలిసిపోయిన వెలుతురు విశ్వరూపం కనిపిస్తుంది ఇవ్వగలిగే అవకాశమున్నా అందుకొనే మొహమాటం తీపిచేదుల వ్యత్యాసమంత హద్దులు పెడుతుంది గుండెతడి తెలిసిన వ్యక్తిత్వంలో ఆత్మను అలరించగల అతిశయమూ తప్పుకాదులే వీడ్కోలు చెప్పుకున్న చివరి రాత్రి పెదవులపై విరిసే నవ్వులో నీ పేరున్నప్పుడు మనం విడిపోయిందెప్పుడని నేనూ నువ్వూ కలిసి మనమైనప్పుడు ఒకరికొకరం వేరుకామని లోకానికి చెప్పాల్సిన పనేముందని నీ ఎదురుచూపుల దైన్యమొక్కటీ పోల్చుకొనేందుకు సరిపోతుందిలే..😊