// నీ కోసం 270 //

స గ మ ద ని స.. స ని ద మ గ స.. హిందోళ రాగాలాపన మొదలైందా తడిగా నీ నవ్వు పాడనీమరీ.. నేనూ చెమరిస్తే నువ్వు తాకాల్సి ఉంటుంది ఈ ఊహలతో నావల్ల కాదు బాబూ.. వినో..ద..మో..హ.న.కర.. వచ్చినట్టే ఉంటుంది..ఇలా అయితే స్వరకల్పనెలా చేసేది అబ్బా..అంతలేసి కళ్ళుపెట్టి ఆరా తీయకు మనోధర్మ వైచిత్రి.. అనుసంధించాలని తానప్రక్రియను ప్రయోగిస్తున్నా.. అవును.. నీకిష్టమైనంత లలితంగా ఉంటుందిది ప్రతిపదంలో ప్రేమతత్వం ఉండాలంటావుగా రెప్పలమాటు మేలిముసుగులోనే ఎదురుచూపులు దాచి ఉంచు.. కురుస్తున్న మంచువర్షం..మత్తుని చల్లుతుంది కదా.. కలలు కలిసిన కలనేతల్లో మనసు ఒదిగిపోయి చాలాసేపయ్యి.. Hmm.. ఈపూటకిదే నా కౌగిలనుకో.. కాసేపైతే నా సాధనా పూర్తయిపోతుంది 😌💜