// నీ కోసం 258 //

ఎదురుచూస్తూ చూస్తూ మనసుకి కళ్ళు రావడం చూపులు మసకబారి కలవరించడం పిలిచిన పెదవికి..బదులు రాకపోవడం అవును చెప్పుకోలేని బెంగ.. ఇప్పుడు పదాలు తడుముకుంటుంది నక్షత్రాలకీ సంగతి తెలిసి నిలువలేక..అక్షరాలవుతామని ఆరాటపడ్డాయి ఆత్మస్పృహ కోల్పోయేలోగా రాత్రికిప్పుడే రంగేయకపోతే పగటికి.. అవే విరహాలై నర్తిస్తాయి ఓయ్.. మైమరపు కోసమని తొందరపడకు నువ్వు కౌగిలికి చేయి చాచేలోపు గుప్పెడు వెన్నెల కుమ్మరించి నీకోసమో జోలపాట రాయనీ.. అప్పటికి నీకూ తెలుస్తుందిగా నీ ఆనందానికి బహువచనం ఒకటుందని 💜💕