// నీ కోసం 254 //

మది తలుపులు మూసి పెంచుకున్న ప్రేమవనానికి ఊహల ఆధారం.. ఊపిరి సమానం అంతరంగపు అరల్లో తాదాత్మ్యం ఎక్కడ నిక్షిప్తమయ్యిందో లేతపచ్చని చిరునవ్వుకి తెలిసుండాలి వినువీధుల గుండా చుక్కల తోరణాన్ని అనుసరించి ఎన్నిరాత్రుల ప్రయాణం చేసున్నావో మరి.. లేదంటే.. నా మనసు కొమ్మకు పూసే పువ్వుల బంగారు కాంతులు నడిరేయి పరిమళించడం నీకెలా తెలుసూ కలవరపడ్డ ఋతుపవనం నిద్దురలోని నన్నూ పొలమార్చిందని.. శరత్సుగంధాన్ని ఆరా తీసావా అలా కాక... ఓ అరక్షణం అరచేతిని కౌగిలించి ఆత్మీయస్పర్శను వెచ్చబెట్టావా 💜