// నీ కోసం 240 //

సగం హృదయాన్ని దాచిపెట్టి నిశ్శబ్దాన్ని సౌమ్యంగా మోస్తూ నీ కలలన్నీ నా కళ్ళతో చూస్తూ నువ్వెందుకలా ఉంటావో మాటకి మాట.. నీ అల్లరంతా నేనూహించగలనని లోపల్లోపల నవ్వుకుంటావు కదూ ఆచితూచి పరవశించడం నీ ప్రత్యేకతనుకోవాలనేమో.. నా పదాలు పిలుస్తున్నా పట్టించుకోవు అన్ని తెలిసిన నా మది నీ ఊసునాలపించడం మానదనేగా అంతతిశయం నువ్వు చెప్పకపోయినా నేను విన్నానని రాసుకున్న మాటలు పూర్తిగా అర్ధంలేనివేం కావు నీ హృద్గమ్యం తీరం దాటేసిందని ఓనాటికి నీ చిరునామా నాలో దొరికినప్పుడైనా నువ్వొప్పుకుంటావు 💜