Sunday, 27 December 2020
// నీ కోసం 217 //
చెంతచేరిన ప్రతిసారీ అనూహ్య భావనతో
నా చిన్నారి మనసుని లాలిస్తుంటే
వీచే సన్నని గాలికే ఉక్కిరిబిక్కిరవుతున్నా
ఆకర్షణ మించిన ఆర్తి
నీ స్వభావమే అనుకున్నా..
నన్నూ అలంకృతం చేస్తున్నావెందుకో తెలీదు...
అయినా కూడా
ప్రతిశ్వాసలోనూ ప్రేమ పరిమళము
ఏ రసాస్వాదనలోని రహస్యమో
అక్షరాలకందని అనుభవమిది
ప్రేమనామమున్న నీకు నేను సర్వనామమై
మౌనంగా వికసించడం
కల్పనాతీత ఇంద్రజాలము కాక మరేంటో
నువ్విలా గారంచేసి బంధిస్తానంటే
సంతోషంగా ఎప్పటికీ పసిపాపనై నేనుండిపోలేనా 😌💜
Subscribe to:
Post Comments (Atom)
No comments:
Post a Comment