Sunday, 27 December 2020
// నీ కోసం 224 //
నువ్వెక్కడుంటావో ఏం చేస్తావో
నీ చిరునవ్వు తప్ప నాకేం తెలుసు
నువ్వే మాటలంటావో, ఏం సంగీతం వింటావో
నీ మౌనంతో మాత్రమే నా పరిచయం
నువ్వే మబ్బు కప్పుకుంటావో, జలపాతమై ఉరుకుతుంటావో
నీ నీడ పడినంత మేరే నే కదులుతుంటా
నువ్వే విషాదాన్ని మోస్తావో, ఏ సంతోషాలు దాస్తావో
నీ అల్లరినే నే కలగంటా
పువ్వులా ఎందుకు నవ్వుతావో
మౌనంగా ఏం మాట్లాడుతావో
నీడలా ఎందుకొస్తావో
కలల మలుపులో ఎందుకాగావో
గాయమైతే క్షమించమంటాను
ఆచితూచి చివరికి కన్నీరు కాబోనంటాను 😔
Subscribe to:
Post Comments (Atom)
No comments:
Post a Comment