// నీ కోసం 303 //

 Sway a little dear

నీ ఊపిరిలో హెచ్చుతగ్గులు

లేత చలిగాలుల ఉద్వేగపూరితమైనవా

చూపుల అల్లిక కోసం

ఎదురుచూసే చకోరి తపస్సు

తత్తరపడి చెదిరిందేమో చూడు..

నీ కన్నుల్లో నవ్వులు

నిద్దురను దగ్గరకి రానీక మెరుస్తున్నవా

అనాలోచితమైన నీ అనుభూతి స్మృతిలో

తెలివెన్నెల బొమ్మలా

కలలో కదిలే కవ్వింతెవరిదో కనుగొను..

నీ నిశ్శబ్దంలో

అరనవ్వుల స్వరలయలు వినబడినవా

మనసుకవాటం తెరిచి

ఆత్మీయంగా ఆహ్వానమందించిన

నీకో అస్పష్టమైన వివశత్వాన్నిచ్చింది నిజమైతే..

అదంతా నేనే..

తరలిరాని వసంతం కోసం

హేమంతం కదిలొస్తున్న కోలాహలాన్ని విస్మయించు