ఉద్గ్రంధంలా ఉండే నిన్ను
మౌనంగా అనుసరించాలనుకుంటానా
ఒక్కసారి మనసులోకి తొంగిచూసే వరకు
వివశత్వంలో పడిపోతుంటా
మల్లెనీ.. మరువాన్నీ కూడా
స్వాతిశయంతో వెక్కిరిస్తుంటానా
నా అందమైన అనుభూతులన్నీ
నీ సమక్షంలోని సువాసనలైనందుకే
క్షణకాలం భరించలేని విరహంతో
నీ ముద్దుమాటలు వినాలనుకుంటానా
విరామమెరుగని స్వరాల వెల్లువ
అలా మొదలైపోతుంది దానికదే
కాసేపు కునుకేసినా
కలగా నువ్వే వస్తావనుకుంటానా
ఈ తడికళ్ళ వేకువనిరీక్షణలోనే
రేయి ముగిసిపోతుంది అంతలోనే
No comments:
Post a Comment