వచ్చేస్తున్నా బంగారాలూ..
నన్నో అందమైన లోకానికి ఆహ్వానించావంటేచీకటినెదిరించి నీ ఆధీనమయ్యేందుకు
దిక్కులు దాటి ఎగిరొస్తానంతే
లోలోపల మోహలాలస
ఉన్మత్తపు ఊహలా కన్నుల్లో నీరు నింపే
అపూర్వ క్షణాల కానుకలివేనేమో
దూదిపింజెలా తేలిపోతున్నా
ఎటు వెళదామో చెప్పు..
వీచేగాలికి సంయోగపు తీవ్రత తెలిసేలా
నిన్నూ నన్నూ తాకి, పిలుచుకు రమ్మన్న
ప్రేమలోకపు సామ్రాట్టుని వెతుకుదామన్నావా
ఇదిగో నే వస్తున్నా
అదిగాక..
వసంతరాగపు గమకాలు పాడే
కోయిల గూటికి పోదామంటావా
కొన్ని స్వరాలు నేనూ మోసుకొస్తా
నువ్వు రాసిన ప్రేమలేఖలో
తీపి మాటలు తాగానిన్నాళ్ళకి
మన ఎదురుచూపుల కలవరింతలు ముగిసేలా
మలుపుల్లో కలుసుకుందాం రమ్మంటే
అస్సలే కాదననుగా
No comments:
Post a Comment