అద్వైతరహస్యానికి అర్ధం చెప్పేందుకు
కలల్లో బ్రతికే నన్ను కౌగిలించి
కన్నీటిని లెక్కబెట్టక
నీ ఊపిరి వెచ్చదనంతో చలి కాచుకొమ్మని
మనసుపొరల్లో మధురం నింపి..
అంతర్మధనం ఒకటే తెలుసనుకున్న చీకటికి
ఆనందించడమెలాగో నేర్పింది నువ్వే కదూ
అందుకే నిశ్చింతగా
వెన్నెల రాత్రి నీ విరహాలన్నీ నాకొదిలేసి
బుజ్జిపాపలా బజ్జున్నావా
జీవనగతిలో దార్శినికతను వెతిక్కునే
వియద్గంగలా
తామరాకు మీది నీటిబొట్టులా
నీ సా(న్ని)హిత్యమే నా సౌందర్యమై
మదిలో నవ్వులు పూసింది నిజమైతే
ప్రేమాన్వీ..
మౌనంలో నీ స్పర్శ కొంచెం కొంచెం తెలుస్తుంది
ఈ అనుభూతి యోగాన్నిలానే ఉండనీ
No comments:
Post a Comment