కనిపించకుండా కదిలే గాలిలా
ఇక్కడిక్కడే ఉన్నట్టుంటావు
ఒంటరిగా ఏమాలోచిస్తానోనని
తలపులెక్కి కూర్చుంటావు
కాసేపలా మౌనంగా కూర్చోగానే
కల్పనై కన్నుల్లోకొచ్చేస్తావు
మనోద్వారానికి తోరణంలా
ఇష్టమైన పండుగని తలపిస్తావు
ఒక్క కవితనైనా రాద్దామనేగానే
వాక్యమై గలగలా నడిచొస్తావు
ఇప్పుడిక..
ఇందాకో, ఇప్పుడో గుర్తొచ్చావనేం చెప్పనూ
మర్చిపోయేంత అవకాశమే నువ్వు ఇవ్వనప్పుడు
No comments:
Post a Comment