//నీ కోసం 423//

Evng... చలి సాయింత్రం తలపులు తెరుచుకున్నా మనసుకి చెమట పట్టడం ఆగలేదు చీకటిలో చిరునవ్వులు పోగొట్టుకుని తీరికలేని విహంగంలా రెక్కాడుతున్నావని అపస్వరంలో నువ్వన్న మాటలన్నీ నిజమేనా Night.. మలిపొద్దు మత్తుగా మరలిపోతున్నా మన మధ్య దూరం తరగలేదు నా ఆవేదనా కన్నీరు మలుపులు తిరిగి నీ మది గుమ్మం ముందే వాగై నిలిచింది గమనించుకున్నావా Late nite.. అర్ధరాత్రి అస్థిమితంగా కదిలి మూడు గంటలు దాటింది నీ ముద్దు వేడి తగలని కన్నేమో మూతబడనంటుంది నిర్మలాకాశంలో చుక్కలు కదిలి మొగ్గ విచ్చుతూ పరిమళమొలుకుతున్న పూలను అలసిపోనివ్వక ఆశలు నింపుతున్నది చూసావా ఏమో.. కలలు పూచే వేకువ జామునైనా కాసేపు కౌగిలిస్తే నువ్వొచ్చి తలదాచుకొమ్మనేలా.. తొలికిరణం నాలో ఉత్సాహమదే నింపుతుందని కిటికీ తలుపులు తెరిచి మరీ నిదురను పిలుస్తున్నా