Thursday, 9 December 2021
//నీ కోసం 414//
కొన్ని దీపాలు సువాసనలతో మత్తెక్కిస్తుంటే
ఇంకొన్ని కేవలం వెలుగునిస్తూ ఉదాత్తంగా ఉండిపోతాయి
కలలు వాస్తవాన్ని ఆవిష్కరిస్తాయంటారు గానీ
రాలిపడ్డ కన్నీటి జాడలు
ఏ సంధికాలంలోనూ చప్పుడు చేయనీయవు
దీర్ఘకాలంగా ఎండిపోయిన ప్రవాహంలోని రంగులు
మెరుపులుగా తప్ప పునర్లిఖించేందుకు పనికి రావు
ఏమో, నేనో మాయా నక్షత్రాన్నేమో
ఏరికోరి నన్ను వెతికేలోపు ఎన్ని పోగులుగా రాలిపడతానో
Subscribe to:
Post Comments (Atom)
No comments:
Post a Comment