// నీ కోసం 405 //

ప్చ్.. కాస్త వెన్నెలకే కుదురుకొనే హృదయానికేమైందో తెలీక చుక్కలు.. దిక్కులు చూస్తూ గుసగుసలు మొదలెట్టాయి ఎక్కడో జారినట్టున్న మది అనంతమైన పెనుగులాటతో కలత పడుతోంది నా నుంచీ నన్ను దూరం చేసిన మాయగా.. మౌనంలో పెను ఆర్తనాదమై వినబడుతూ కొత్తగా.. నిశ్చలమైన నిశ్శబ్దానికీ భయపడుతోంది సోమరిగా కదులుతున్న రాత్రి నాలో నవ్వులు పూయించలేనని వెనుదిరిగింది పలకరించాలనొచ్చిన పూలగాలి వివశత్వామేదీ నాలో లేదని విసుక్కుంటూ పోయింది నిన్ను ఆహ్వానించి ఖాళీ అయినందుకేమో సగం నిద్దురలో ఊపిరికోసమీ పెనుగులాట కలలోనూ కలవలేకపోయిన బెంగ అదేమో విషాదానికి కొనసాగింపులా ఈ తొణికిసలాట ఏమీ రాయాలేనిక ఈ పూట నీ వేలికొస అయినా నాకు తగలకపోయాక