// నీ కోసం 389 //

వానొస్తుందని, చిగురాకుల వణుకు చూడమన్నది నువ్వే నీటిలో కాగితప్పడవలు వదులుదామని చెప్పింది నువ్వే కాసేపు స్వేచ్ఛగా తడిచినా తప్పులేదని చెప్పింది నువ్వే బరువెక్కిన పువ్వుల సౌందర్యం చూద్దామన్నది నువ్వే భావోద్వేగపు ఆనందాన్ని హత్తుకుని అనుభవించమన్నది నువ్వే చిమ్మచీకటిలోనైనా రెక్కలొస్తే ఎగిరిపోవచ్చని రెచ్చగొట్టింది నువ్వే పట్టరాని సంతోషాలకి వెలకట్టలేమని ఆదమరిచింది నువ్వే అంతరంగాన్ని ఆకాశమెలా గుమ్మరిస్తుందో ఆస్వాదించమన్నదీ నువ్వే ఆపై... రాత్రంతా నిద్రపోకుండా, కలలొచ్చే దారి మరిచానని గోడెక్కి మరీ కోడిలా కూస్తున్నదీ నువ్వే