// నీ కోసం 397 //

ఈ సాయింత్రాలు చాలా బాగున్నాయి మదిలో వెలుగు ఆకాశమంతా పరుచుకున్నట్టు వేల దీపాలు నవ్వుతున్న నిముషాలివి నిశ్శబ్దంగా కురుస్తున్న విరజాజుల మాటు పరిమళం నా లిపిలో నీ ప్రేమాత్మ ప్రవహించి ఆద్యంతాలను కలుపుతున్నట్టుంది నాకేదో అయిందని అనుకోకు ఈ పసిమిఛాయ కాసేపటికి చీకటైపోవచ్చు వెన్నెల తాకిడి ఒంటరిగా నువ్వు భరించలేవు పువ్వులు రంగు మార్చుకునేలోపు రా.. ఏవీ నీ ఆనందాలు... ఆ చిన్ని చిన్ని ఆశలన్నీ తీర్చాలని ఉంది నీకిష్టమైన సినిమా చూసొద్దాం పద లేదా కనీసం కాసేపు కమ్మని కబురులైనా చెప్పుకుందాం