// నీ కోసం 384 //

పాలపొంగులా ప్రేమకెరటమో మహాద్భుతమై తీయగా నీలో నన్ను కలగలుపుతుంది నిజమేనేమో ఏమో.. నాలో ఏకాంతానికి ఒక్క నువ్వంటేనే ప్రాణమని తెలిసేలా రుధిరమంతా ప్రణయధారగా మారి ప్రవహించడం ఇప్పటికిది ఎన్నోసారో నా గుండెగిన్నెలో మధురసం తాగిన మైకం నీ పెదవుల మోహమై నన్నల్లుకుని మదిలో మౌనం మాటలు దాటి ముద్దులుగా మారడం నిశ్శబ్దరాగానికో లిపి కుదిరిన విచిత్రం నీ చూపులు శ్వాసిస్తూ ఎంత భావావేశానికి లోనవుతానో అప్పటికప్పుడు పువ్వులా పరిమళిస్తాను అయినా కొన్ని సమయాలెంతో బాగుంటాయి నా కాటుక కళ్ళు కరిగి పన్నీరయ్యేంతగా