కళ్ళు మూయడమే ఆలశ్యమైనట్టు
నీ పిలుపు ఆప్తస్వరమై తడమగానే
మనసు పక్షిలా నీవైపు వలసకొస్తుంది
వెన్నెలను మేలిముసుగేసుకున్న ఆకాశం
తన అనంతాన్నింకా విస్తరించి
నా ఆహ్లాదానికి దారిచ్చి సాగమంటుంది
మదిలో హర్షం మేఘమిచ్చిన మెరుపుని కలుపుకొని
తన సౌందర్యనికి ఆశల ముడుపు కట్టుకొని
నీలో ఒదిగేందుకు ఉరకలేస్తుంది
నీ ఎదురుచూపుల స్వాగతాన్ని అందుకున్నందుకే
అణువణువూ అనురాగం నింపుకున్న నా గీతం
ప్రతిరేయీ నీకు గుసగుస కావాలనే ఈ పయనమంటుంది
లాలించడం మొదలెట్టు..
లయమయ్యేందుకే నీ ఆలింగనానికొచ్చింది మరి 
No comments:
Post a Comment