// నీ కోసం 159 //

నా మనోమందిరంలో నీ రూపు
సడిలేని ఆకాశంలో మేఘాల దొంతర మాటు
చందమామ చందమని
పంచేద్రియాలకు ప్రాణవాయువులా
మనోహరభావమీ మధురోహ

ప్రతిసారీ పచ్చివాసనేస్తున్న కలలకే
సరాగమవుతున్న సుతిమెత్తని వలపు చాటు
నాకు నేనే కనిపించని
నిశ్శబ్దం శృతి కలిపిన రాతిరిలో
వెన్నంటిన రసానందం నీ తలపు

మాటలు రాని పువ్వులా ఎప్పుడు మారానో మరి
నా హృదయం నీ దగ్గరే ఉండిపోయినందుకే
ఏకాంతంలో తనివితీర్చేందుకు..
అద్దంలో నీ ప్రతిబింబమే నాకు తోడిప్పుడు 💜💕