// నీ కోసం 152 //

4:02 PM (7 hours ago)

ఈ వసంతం అద్భుతం..

హృద్యమైన కోయిల గొంతులో నీ పిలుపులు, వెలుగురేఖల సౌందర్యం ఉన్మత్తమై, మృదుమంజుల గంధం.. వేకువనే నన్ను గారంచేసే నీ తలపుదైన క్షణాల్లో..

ఓ అనుభూతి నిశ్శబ్ద స్పందనం..

నిన్నూ నన్నూ కలిపిన కాలం..నిన్ను తాకొచ్చిన మలయానిలం నాకెంతో అపురూపం..నీ వలపు సారంగం..తడి ఆరని మది అపూర్వ భావోల్లాసంలో...

ఆ ఒక్క కలే మనసుకిష్టం..

నీ మౌనగీతాల గలగల వింటూ, నిదురను ఆహ్వానిస్తూ, పరవళ్ళు తొక్కుతున్న అలలు శాంతించినట్టు, ఊపిరి నెమ్మదిస్తూ మరోలోకానికి చేర్చే చీకటి గదిలో..

నా మనసు పాడే మోహనరాగం.. ప్రణయ కలాపమైతే కానిద్దాం చరితార్ధం..నీతో కలిసి చేసే గగన విహారం..మరెవ్వరికీ దొరకని అదృష్టం