కాలం కథలు ఆలకిస్తున్న నాకు
మన ప్రేమ పాపవుతున్న సంగతి తెలిసి
యవ్వనం గమ్మత్తుగ పులకించింది
రేయంతా కరువైన నిద్ర
వేకువకి కరుణించే సమయం
గుండెతెరల మీద నీ తలపు బరువెక్కిస్తుంది
వలపించానంటూ నీ చిరునామా నేనయ్యాక
మునుపున్న ఆల్లరి మాయమై..నాలో సుతారం
రంగులద్దుకున్న వసంతమై పల్లవించింది
అడుగడుగునా పువ్వులతో పోటీపడినట్లుండే
నా నవ్వుని చూస్తే తెలిసేది
సముద్రపు అలలు తీపి నురగలైన సంగతి
ఈ చూపుల అల్లిక గతజన్మ మనోవ్రతపు ఫలశృతి కనుకనే
ఇన్నిరాసుల తమకాలు మన పసిడి కావ్యాలు
నా జ్ఞాపకాలతో రమిస్తున్న ప్రతిసారీ
నువ్వు సిగ్గుపూల సువాసనను ఓర్చుకోవలసిందే
పండువెన్నెల సింధువైన రాతిరి
నన్ను సమీక్షించడం ఆపకందుకే మరి..
No comments:
Post a Comment