// నీ కోసం 158 //

ఆకాశపుకొస నేలను మీటిన తరుణం
మనసు మలయసమీరం
లిప్తకాల కవిత్వ సుస్వరమైంది

వైశాఖపున్నమి వెన్నెల పాలపుంతలో
నీతో మాట్లాడాలనిపించినందుకేమో
అంతరంగ శ్రీరాగం
హద్దులు చెరుపుకొని.. కనిపించని నిన్ను
ఆరాధనగా శృతి చేస్తుంది

ఆపుకోలేని నవ్వులు సీతాకోకచిలుకలై
ఏకాంతపు స్వగత స్వాతిశయమై
అసంగత సంతోషాన్ని నటిస్తుంది
ఏమో..
చీకటి వాసన చికాకేసినందుకేమో
నిశ్శబ్దం చందనమై
గ్రీష్మతాపాన్ని తొలగిస్తే బాగుండునని ఉంది 😒💜