// నీ కోసం 511//

ఇంత గోరువెచ్చగా నవ్వడం నీకెవరు నేర్పారూ..?! నీ చూపులతో నా పెదవుల ఎర్రదనం చెరిపేయొచ్చని నీకెలా తెలుసూ..?! నిశ్శబ్దం తలుపు తీసి నిరంతరం నిన్నే ధ్యానించమంటుందెందుకూ..?! నీ కన్నుల్లో ఒలుకుతున్న ప్రేమరసం నన్ను తడుపుతుందెందుకూ..?! నా గాజుల గలగలల్లో నీ గుసగుసల రహస్యాలున్నాయని నాకెందుకు చెప్పలేదూ..?! చీకటని చూడకుండా గుప్పుమంటున్న ఈ మల్లెపూల వాసన చిరాకేస్తుందెందుకూ..?! అసలూ.. అర్ధరాత్రయినా మనసుకెక్కి దిగకుండా నిద్రపోనివ్వని నిన్నేమననూ..?!