//నీ కోసం 499//

ఈ సాయింత్రం.. మన ఆత్మల బృందావనంలో కొన్ని కోయిలలు స్వరవిహారం చేస్తున్నాయ్ మరైతే శిశిరమింక సవ్వడినాపేసినట్టేనా..?! గుండెను గుప్పిట్లో దాచి చేస్తున్న ధ్యానానికేమో కలలు కొన్ని కస్తూరి వాసనేస్తూ పరిమళిస్తున్నాయ్ మదిలో మౌనవిస్తున్న అనుభూతుల తరంగానికేనా..?! నిన్న మొన్నటి గాయాల నవ్వుకి ఆకుచాటు మందారపు వెన్న పూసి గాలిలా గుసగుసలాడుతున్నది నువ్వేనా..?! ఏకాంతం చిత్రించుకున్న నీలం రంగు ఆకాశానిదో, నా అవ్యక్తానిదో ఈ అనంతం నీమీద బెంగనే వల్లెవేస్తుంది Haa.. everything became kind suddenly N it feels like m on d top of my fav cloud