Tuesday, 15 February 2022
// నీ కోసం 434 //
చూపులు మాట్లాడే భాషలో కొన్ని కధలు,
నిశ్వాసల్లో నిలిచిపోయిన వాక్యాలు,
వెరసి నీ ఉనికే ఓ స్మృతిగా మారినట్టుంది తెలుసా
నిశ్శబ్దాన్ని పూజిస్తూ ఉన్నన్నాళ్ళూ నీలో అక్షరాలు ప్రవహిస్తాయని,
అరచేయి దాటొస్తే అవి కవితలవుతాయనీ నాకనిపిస్తుంది నిజమేనా
ఈ చలిచూపుల బెంగను తీసివేసేలా,
శిశిరకెరటాల్ని ఎదిరించే వెచ్చదనం
నీ పాదముద్రల అలికిడితోనే రెట్టింపవుతుంది నమ్ముతావా
ఎంతకని కాలక్షేపాన్ని నటించనూ...
మనస్వీ
కొన్ని పదాలు చల్లు..
కళతప్పిన నా తేజస్సుని నిద్రలేపు.
Subscribe to:
Post Comments (Atom)
No comments:
Post a Comment