Tuesday, 15 February 2022
// నీ కోసం 427 //
హేమంతం మౌనంగా మనోభావాన్ని మొదలెడుతున్నా
మోహానికి తీరికలేదనేగా దేహాన్ని మరిపించేసావ్
ఇప్పుడేమో పిచ్చిపట్టినట్టు ఉంటుందని చెప్పాననేనా
అలా ఆగి ఆగి వెనక్కి తిరిగి చూస్తున్నావ్...
నిజమేనబ్బా..
నా మనసుపొరల్లో నువ్వు దాచుకున్నా పాట
వెచ్చగా పెదవులపైకొచ్చి మరీ కరిగిపోతుంది
సాయింత్రానికంతా లయతప్పిన ఆలాపన
నీ సాన్నిహిత్యానికని అవిశ్రాంతంగా నిరీక్షిస్తుంది
చలిగాలి తాకిడికేమో త్వరగా అలసిపోయి
నా మేను సిగ్గుపువ్వులా ఎరుపెక్కుతుంది
ఎప్పుడింతగా ఆధీనమైందో మరి
నువ్వెలాగున్నా సరేనని ఆదమురుస్తుంది మది
Subscribe to:
Post Comments (Atom)
No comments:
Post a Comment