Tuesday, 15 February 2022
// నీ కోసం 426 //
ప్రేమకు ఋజువేదని అడుగుతాను
ఒక్క మాటైనా చెప్పకుండా
నువ్వేంటో తెలుసంటావు
నిశ్శబ్దానికి ఉలికిపడుతూ నేనుంటే
ప్రేమంటే చప్పుడు చేసేది కాదంటావు
తడిగా పాటల్లో తప్పిపోయిన ప్రతిసారీ
వెచ్చగా చలించినట్టే ముట్టుకుంటావు
వలసపోయిన ఆత్మ వెన్నెల్లో దొరికినట్టు
మోహంలో దేహపు మెరుపు అద్భుతమంటావు
నిభాయించుకోలేని దూరానికి నే నలిగిపోతుంటే
గుసగుసలాడే గాలివై గుటకలేయిస్తావు
అర్ధంకాని సముద్రంలా ఉండకంటే మాత్రం
అమాంతం అలలా కమ్ముకుంటావు
Subscribe to:
Post Comments (Atom)
No comments:
Post a Comment