అనామక దృశ్యమవుతున్న జ్ఞాపకం
ఒక్కసారిగా మంత్రమేసినట్టు గుర్తొస్తుంది
మమకారపు పరదా కదిలి
మనసు మెలిదిరిగిన పువ్వై నలుగుతుంది
జవాబులేని ప్రశ్నలకు పరిమితుండదు
కొసరికొసరి వీచే గాలే..ఆపాటికి దుమారమవుతుంది
రగిలి పొగిలిన క్షణాలు గుర్తుకొచ్చి
నిద్దురపోనివ్వని అలసట మొదలవుతుంది
ఒక్కోసారంతే..
అంతరంగపు రణరంగం
నిశ్శబ్దాన్ని చెదరగొడుతుంది
అప్పటికప్పుడు అకాలవాన కన్నుల్లో కురవడం తెలుస్తుంది
No comments:
Post a Comment