// నీ కోసం 169 //

నువ్వు తాగుతున్న తన్మయత్వం

నా హృదయమొలికిస్తున్న మధురిమను తాకి

నిన్ను చేరిన చిరుగాలి గానామృతానిది..

శారదరాత్రుల్లో నా పాట

ఒడిచేర్చి లాలించే కమ్మని గుసగుసగా

నీ మది నింపే వలపు పదనిసలది

కలహంసల కువకువలో

నిన్ను అలరించిన...మోహస్వరమది  నాదే

మనోఫలకంలో ముద్రించుకున్న బింబం

వసంతాల లోగిలిలో

మనోధరిలా నేనడుగేస్తున్న ప్రతిరూపానిది..

కలలో దారితప్పిన ప్రతిసారీ

నీ ఎదురుచూపులకి చిక్కి..కౌగిలింతకొచ్చేది నేనే

ప్రేమాన్వీ..

తపస్సు నుంచీ కన్నులు విప్పి చూడొకసారి

ఊపిరి పోల్చుకోగల నీ ఊహలో ఉన్నది నేనో కాదో స్పందించొకసారి..