// నీ కోసం 532 //

నా తలపులకి తలుపులేస్తే అస్సలు ఊరుకోవేం కాలం కరుగుతూ గుండె బరువు పెంచుతుండగా నీ పిలుపు కోసం ఎదురుచూపులు ఆ లాలనకై అహర్నిశ తపనలు నువ్వో మేఘమై తొలకరి చెమరింపుగా జీవితానికి రంగులద్దుతావని నిశ్శబ్ద భావాల సుషుప్తి రాగాలు యుగయుగాల విరహ స్వరార్చన రాత్రిని కలవరించగా సుతిమెత్తని ఊహల ఊయలలో అగరుపొగల మధ్య మువ్వలగంటలు ఇన్నిన్ని మధురిమల పూలకోన చాటు కన్నులు మూసిన మౌన ముద్రలో కాసేపు నన్నుండనివ్వవు కదా.. ఎందుకలా... ఏకాంతానికి పిలుస్తావో వెన్నెల్లో గొడుగు పట్టి మరీ మనసెక్కి కూర్చుంటావు..