// నీ కోసం 530 //

ఎక్కడిదో ఇంత సౌందర్యం ప్రకృతికి అలికిడన్నదిలేని అగాధాల్లోకి నిశ్శబ్దాన్ని తోడుగా తీసుకు నడుస్తున్నప్పుడు జ్ఞాపకాలను శృతిబద్ధం చేస్తుంది చినుకుల స్పర్శతో పిట్లిన మట్టి వాసన ప్రాణ గ్రంధులను గుచ్చుతూండటం పూలగాలుల దేవరాగ సమ్మేళనం దేహాన్ని తడుముతూండటం బాగా తెలుస్తుంది హా.. మనసు తడబడుతుంది ఎటు వెళ్తుందో తెలీదు నన్నొదిలి నా ఆలోచనలు బయలుదేరింది నీ కోసమే సంగీతంలో స్వరాక్షరమై కదిలానిన్నాళ్ళూ మన కోసం సృష్టించుకున్న మరో ప్రపంచాన్ని జయించాలనే ఏకైక లక్ష్యంగా కన్నులు మూస్తున్నానిప్పుడు